VP Leni, nangenot sa inagurasyon kan bagong classroom sa SorCi

(Photo Grab from PIA Sorsogon FB Page)

Pinangenotan ni Bise Presidente Maria Leonor Gerona-Robredo an Blessing and Inauguration kan One-Unit Two-Classroom Typhoon Resilient Classroom Building sa Rizal Integrated National School (RINS) sa Brgy. Rizal, Sorsogon City kan nakalihis na Sabado, Okt. 8, 2016.

Nahaman an nasambit ng classroom kan nakaaging Agosto bilang parte kan School Rebuilding Project kan Energy Development Corporation sa irarum kan Office of the Presidential Assistant for Rehabilitation and Recovery (OPARR).

Inomaw ni VP Leni an naging espwerzo kan EDC sa pagpapatindog kan siring na classroom na dakulang tabang sa pagklase kan mga estudyante

Kasabay kaini, inasegurar man ni VP Robredo sa gobyerno probinsyal sa pangengenot ni Sor. Gov. Robert Lee-Rodrigeuza an pagtatao nin ayuda sa anoman na pangangaipo kan probinsya para sa mas pang ikaka-oswag

Presente man sa aktibidad sinda Gov. Rodrigueza, Dr. Nympha Guemo kan City Schools Division Superintendent, Sorsogon City Vice Mayor Jonathan Balintong asin ibapa