Suspect sa panlulupig sa 4 anyos na aki sa Gubat, naaresto

Dahilan sa matyagang pagsubaybay asin imbestigasyon kan mga personahes kan Sorsogon Police Provincial Office sa pangengenot kan Gubat Municipal Police Station, dagos ng naaresto an suspetsado sa panlulupig sa sarong 4-anyos na aking babaye sa banwaan kan Gubat.

An suspetsado binistong si Reymar Panuga Riñono alias “Ron-ron”, 24 anyos, soltero asin residente kan Sitio Gumang Cota na Daco, Gubat, Sorsogon

Positibong itinuro mismo kan biktima an suspetsadong si Riñono na nanlupig sa saiya kan nakalihis na Sept. 15, 2016 sa Brgy. Tiris, Gubat, Sorsogon

Sinang-atan naman nin kasong Statutory Rape an suspect sa Provincial Prosecutor’s Office, Bulwagan ng Katarungan, Sorsogon City sa paagi kan Inquest Proceedings.