Supect sa pambabadil-gadan sa Irosin, identipikado na

Na-indentipikar na kan mga otoridad an suspetsado sa nangyaring pambabadil gadan sa sarong soltero sa banwaan kan Irosin kan nakalihis na bulan nin Septiembre

Sinabi ni PCI Edwin C. Adora, pamayo kan Irosin MPS an suspetsado binistong si Yasid Otaibe Oter, nasa tamang edad asin residente kan Brgy. San Julian, Irosin, Sorsogon

Septiembre 26 kan badilon an biktimang si Darhyl Bataller Paraiso, 19 anyos mantang nagsasarado kan pigbabantayan na tindahan kan saiyang tiyaon na si Editha P Atienza

Kasong murder an isinangat na kaso kan mga otoridad sa suspect na padagos pa man guiraray na pinaghahanap sa ngonian kan mga otoridad