SorPol nakaalerto na dahilan sa pag-obserbar kan Undas

Nakaalerto na an mga kapulisan digde sa probinsya kan Sorsogon kasunod kan nakapuntiryang pag-obserbar kan Todos Los Santos kan mga Katoliko

Liwat na inasegurar ni Police Provincial Dir. SSupt. Ronaldo Cabral an pagpapakalat nin mga dagdag na tawohan sa mga matatawong lugar siring kan mga sementeryo, simbahan asin ibapang mga pampublikong lugar

Kasabay man sa tataw-an nin atensyon kan SPPO an mga bus terminal asin seaport dahilan sa piglalaoman na pagdagsa kan mga bakasyonista na ma-uli asin masungko sa saindang mga pamilya ngonian na Undas

Paloway-loway naman na na-oobserbaran an pagpasiring kan nagkapira sa mga kampo santo tanganing maglinig sa mga pantyon kan mga namaaram ng mahal sa buhay

Sa ibong na lado, nagpalowas nin patanid an Dept of Trade & Industry Sorsogon sa mga negosyante partikularmente sa mga tagsadirihon nin mga hardware supply na iwasan an pagpataas nin husto sa presyo kan mga pintura na siertong indemand na naman sa ngonian