Panibagong pagsabog kan Mt. Bulusan, nagtrend sa FB


Uminabot sa ibapang mga banwaan digde sa probinsya kan Sorsogon an ladawan kan tuminoron na abo kan Bulkan Bulusan sa tahaw naman kan pinakahuring pagsabog kaini

Haros kuminalat tulos sa mga social media partikularmente sa Facebook an pictures kan nangyaring phreatic eruption kan Bulkan poco mas o menus alas 3-31 an pagkahapon kasuudma, Okt. 23

Sa ipinalowas na bulletin kan PHIVOLCS, uminabot nin haros 15 minutos an nangyaring pagbuga nin maitom na aso kan bulkan na tuminoron sagkod sa 2.5 metros

Paraber an siring na insidente, nagkapira ng residente harane sa pamitisan kan bulkan an nakaparong nin auspre na sarong indikasyon kan padagos na abnormalidad kaini

Uminabot man sa haros 29ng mga pagyogyog o volcanic earthquake an naerehistro kan Bulusan Volcano’s seismic monitoring network sa nakalipas na mga oras mantang naobserbahan an Wispy to moderate emission kan puting aso pasisiring sa norte westeng direksyon

Sa ngonian, mantenidong nakataas an alert level no. 1 sa palibot kan Mt. Bulusan