Pagturon sa taripa kan tubig, pighahandalan dahilan sa paglaog kan PrimeWater sa SCWD

Dae maiwasan na mahandal kan nagkapirang konsesyonaryo kan Sor. City Water District dapit sa posibleng pagturon sa presyo kan pinagbabayadan na taripa sa tubig kasunod kan sinasabing dagos ng pagtake over kan Primewater sa operasyon kan SCWD

Sa reaksyon na narecibe kan DZMS, nahahandal an nagkapira na posibleng bawion kan PrimeWater sa singil sa tubig an plano pa sana kaining pagpapagayon asin mas na pagpapahiwas sa operasyon kan water district

Nataraka man an kadaklan sa biglaan na pagtukaw kan PrimeWater sa SCWD sa tahaw kan enot na pahayag ni Sor. City Mayor Sally Lee na saiyang oogidon an siring na bagay

Matatandaan na naghampangan pa kan nakalihis na mga aldaw sinda Mayor Lee asin Sor. Vice Gov. Esther Hamor katuwang an manehamiento kan Sorsogon City asin Casiguran Water District sa posibleng pagrasyon nin tubig sa Ciudad kan CWD gikan sa Orok Nature spring sa Brgy Inlagadian, Casiguran

Maging an nagkapirang miembro kan Sanggunian Panlunsod, selensyo naman sa ngonian sa tahaw kan dagos ng pag-operar kan Primewater sa SCWD