Motorista lugadan sa nangyaring vehicular accident sa Casiguran

Tulos na ipinagdalagan sa pribadong ospital digde sa ciudad kan Sorsogon an driver kan sarong motorsiklo matapos ining aksidenteng mabangga kan kasabatan na motorista sa Sitio Estorom, Brgy Trece Martires, Casiguran, Sorsogon poco mas o menus alas 7 kasuudmang aga.

Sa imbestigasyon kan mga otoridad naglolowas na mantang pigbabalatas ni Dennis Hibanes y Ofalsa kan Brgy Gogon, Gubat, Sorsogon. lunad kan honda XRM motorcycle an kahalabaan kan national highway kan aksidenteng ma-side swept an kasabatan na motoristang si Cresenciano Hacuman y Bacilions, 59 anyos asin residente kan Brgy Burgos, Casiguran, Sorsogon

Dahilan sa kosog kan nasambit ng banggaan nahulog an tsuper kan 2 behikulo asin nairido nin husto si Cresenciano na pinagdara man tulos sa St Peter and Paul Hospital para sa magkakanigong atensyon medikal

Sa ibong na lado, nasa kostudya na ngonian kan mga otoridad an mga behikulo na naimbwelto sa siring na aksidente para sa magkakanigong disposisyon mantang padagos an pinagigibong imbestigasyon.