Importansya kan breast feeding, pigtawan nin doon kan PHO

Manteniron an breast feeding sa mga omboy sagkod 6 months

Ini an abiso ni Dra. Ning Quintos, pediatrician sa Dr. Fernando Duran Sr. Memorial Hospital sa intrebista kan DZMS sa programang Abiso kan PHO (Provincial Health Office)

Sinabi ni Dra. Quintos, sa paagi kan breast feeding makukua kan omboy an kinakaipuhan na resistensya kan saiyang lawas

Dagdag pa kan doktora, dakula an beneficio kan pagpapadudo kan ina para mas na magkosog an immune system kan sarong infant

Abiso man ni Dra. Quintos sa mga namamanwaan na manteniron an pagkakaigwa nin healthy lifestyle tanganing maka-ibitar sa anoman na helang sa tahaw kan paborobagong kondisyon nin panahon ngonian

RELATED STORY: Kahalagahan ng breast-feeding