Construction worker gadan kan matuparan sa OLV Pangpang

Padagos an pinagigibong imbestigasyon kan mga otoridad sa natuparan na gadan sa kahalabaan nin tinampo sa barangay kan Pangpang, Sorsogon City kasubagong mag-omagahon

Sa report kan Sor. City Police, mantang naglalakaw-lakaw poco mas o menus alas 4:30 nin pagkaaga an sarong Lorna Licup kan 11th Street, OLV Brgy Pangpang, Sorsogon City kan madiskobre an bangkay ni Alexander Alyame Baldon, 50 anyos asin residente kan 10th Street sa kaparehong barangay na nakahigda sa tinampo

Dahilan kaini, tulos na nagsumbong si Licup sa mga otoridad kun saen nadiskobre na may tama sa pandok an biktima

Dagos ng pigsairarum sa autopsy an bangkay kan nasambit ng construction worker tanganing maaraman an kawsa kan kagadanon kaini