Calendar of Acitivities sa Kasanggayahan Festival 2016, ipinalowas na

Dagos ng ipinalowas kan gobyerno probinsyal asin kan Kasanggayahan Foundation Inc. an listahan kan mga aktibidad o calendar of activities sa selebrasyon kan Kasanggayahan festival 2016

Sinabi ni Sor. Gov. Robert Lee-Rodrigueza, maarangkada an siring na aktibidad sa Okt. 17 na deklaradong special non-working holiday sa bilog na probinsya kan Sorsogon

Ini popon-an sa paagi nin sarong Ecumenical Praise and Worship, alas 6 nin pagkaaga dangan na susundan kan Concelebrated Mass

Pakatapos kaini, gigibohon an Flag Raising Ceremony asin Formal Opening of the Festival kasabay an mga kandidata kan Ms. Earth 2016

Nunusnusan man an MOA sa Economic Partnership sa pagultanan kan probinsya nin Sorsogon asin Albay dangan na isusunod an Dramatization kan primerong misa sa Luzon asin Ribbon Cutting ceremny kan DTI Trade Fair sa Capitol Kiosk

Sa pagkahapon, gigibohon an Pantomina Sa Tinampo sa kahalabaan kan Magsaysay asin Rizal Streets mantang sa pagkabanggi mangyayari an Glowing Bubbles Mega Disco Party sa capitol park kasabay an celebrity guest na si Kim Domingo

Tema kan K-16 ngonian na taon iyo an “Tracing History, Promoting Tourism, Preserving Culture”