Brgy Inlagadian sa Casiguran, suminalo sa abo na ibinuga kan Mt. Bulusan

An barangay kan Inlagadian sa banwaan kan Casiguran an naapektaran nin husto kan ibinugang abo matapos na mag-alboruto an Bulusan volcano.

Photo by MDRRMO Casiguran

Sosog sa report, maabot sa 5 mm an abo na iwinawa sa nasambit ng barangay makalihis an pinakabagong pagsabog kan bukid

Tulos na nag-aktwar an lokal na gobyerno kan Casiguran matapos na magoran nin abo dahilan kan sa liwat na pagalboroto kan bulkan Bulusan

Sinabi ni Casiguran Mayor Edwin Hamor, apektado nin marhay kan nasambit ng asfall an brgy kan inlagadean kun saen naerehistro an pinakadakul na iwinagawang abo

Denereheran man tulos kan alkalde an MDRRMO sa pangengenot ni Louie Mendoza na liboton an ibapang mga barangay na posibleng naapektaran kan as fall mantang tulos man na pinagkanselar an klase sa nasambit ng barangay

Nagdestribuer an LGU ni face mask asin mga bulong para sa may mga hika asin ibapang respiratory desease sa tahaw kan nagpapadagos na relief operation

Katuwang kan MDRRMO an mga personahes kan Bureau of Fire Protection gikan sa banwaan kan Juban asin Sor. City na nagbomba nin tubig sa mga tinampo na naapektaran nin husto kan ash fall

Apwera kan Inhagadian, naapektaran man nin husto an mga kataraning kaining barangay siring kan Brgy Sta Lourdes sa municipio kan Barcelona.