Brgy. Captain, binadil gadan sa Donsol

Gadan an barangay kapitan sa Brgy Tinagonan, Donsol, Sorsogon matapos na badilon kan saiyang kabarangay, poco mas o menus alas 5:45 an pagkahapon kan nakalihis na Domingo, Okt. 9.

An biktima binistong si Joel Ombao Briones, 47 anyos asin residente kan nasambit ng barangay

Sinabi ni PSInsp. Joel C. Trinanes, pamayo kan Donsol MPS, mantang nakatukaw sa hampangan kan sarong sari-sari store an barangay kapitan kan bigla sanang ranehan asin haranehan na binadil kan suspetsadong si Edgardo Magtibay alias Edgar Garcia, 48 anyos.

Nagsuprer si Kapitan Briones nin mga tama nin bala sa manlaenlaen na parte kan saiyang lawas mantang nakua sa pinangyarihan kan insidente an 8 pidaso nin basyo gikan sa kalibre 45 badil

Si Magtibay, enot ng nagsuko sa mga otoridad sa irarum kan Oplan Tokhang.