BFP Sorsogon : Lakbay Alalay Center, nakalatag na

FILE PHOTO: BFP SORSOGON CITY LAKBAY ALALAY 2013
Nakalatag naman sa ngonian an manlaenlaen na mga Police Assistance Center o Lakbay Alalay Center kan Bureau of Fire Protection sa bilog na probinsya kan Sorsogon tanganing mag-asister sa mga byahero na ma-uli sa saindang mga mahal sa buhay ngonian na Undas

Sinabi ni Provincial Fire Marshall Renato Marcial, kan nakalihis pang aldaw inaktibar an motorist assistance center kan BFP katuwang an ibapang magkakanigong ahensyas kan gobyerno

Dagdag pa ni Marcial na apwera sa pagtatao nin asistensya sa mga byahero, katuyuhan man kan lakdang na makapagsakuro tulos an mga personahes kan BFP sa manlaenlaen na emerhensiya na posibleng mangyari sa Undas

Inasegurar man kan opisyal na naka-stand by an saindang mga tawohan asin mga fire trucks sa mga lugar na harane sa kampo santo tanganing tulos na makaresponde sa mga katibaadan