50 mil pesos na cash, nahab-as sa sarong negosyante

Natabag kan dae pa bistadong suspetsado an 50 mil de pesos na cash asin mamahalon na cellphone sa sarong negosyante sa Donsol Sorsogon

Sa report kan Sorsogon Police Provincial Office, nataraka na sana an biktimang si Rosalinda Bardaje
Gratico, 60 anyos asin residente kan Sitio Buang Brgy. Rawis, Donsol, Sorsogon matapos na manotaran na nawawara an siring na gamit kan mag-uli siya sa saindang haron gikan sa sari sari store

Kasabay sa nakulimbat kan mga kawatan an sarong Samsung Galaxy cellphone na nakabugtak sa ibabaw kan lamesa asin cash na nag-aamuntar sa 50 mil pesos na nakalaog sa sarong sako asin nakatago sa irarum kan lababo

Sa ngonian padagos an pinagigibong imbestigasyon kan mga otoridad tanganing matumbok kun sisay an responsable sa siring na panghahabas