10ng pamilya, evacuees sa Irosin dahilan kay Karen

Uminabot na sa 10 bilang nin pamilya an nag-ebakwar sa Brgy Mapaso Irosin Sorsogon dahilan sa bagyong Karen

Sa intrebista kan DZMS, sinabi ni Ariel Doctama, tagapagtaram kan Sor. Provincial Disaster Risk Reduction & Management Office, 300 na indibidwal gikan sa nasambit ng barangay an pinag-ebakwar dahilan sa risgong marhay ini sa pagrasay kan daga

Segun kay Doctama an barangay Mapaso kasabay sa mga lugar na nasa designadong 4kms permanent danger zone na enot ng naapektaran kan pagsabog kan bulkan kan nakalihis na semana

Aminado an opisyal na posibleng madagdagan pa an bilang kan mga evacuees sa oras na magpadagos an pagbahugnas nin oran mantang paparane an bagyo sa kadagaan

Partikularmenteng pinagbabantayan kan Sorsogon DRRMO an mga barangay kan Mapaso asin Cogon sa banwaan kan Irosin asin San Roque sa Bulusan dahilan sa harane ini nin marhay sa bulkan

Sa ngonian, nakataas an blue alert status sa probinsya kan Sorsogon bilang parte kan paghahanda sa posibleng pagbayo kan bagyong Karen

Sa ibong na lado, suminakat na sa 483 an bilang kan mga estranded na pasahero sa Sorsogon kun saen pinakadakol digde iyo an naerehistro sa Matnog Port

Tinawan nin doon ni Doctama na mahigpit na pinagpapaotob sa ngonian an No Sail Policy mantang may nakataas an Tropical Cyclone Warning Signal sa probinsya